ବାରିପଦା – ତା :- 30/11/2022 ରିଖ – ପୁରୀ ସ୍ଥିତ ପଞ୍ଚମୁଖୀ ଜିମନାସିୟମ ପରିସରରେ ଓଡିଶା କୁସ୍ତି ଏସୋସିଏସନ ଆନୁକୂଲ୍ୟରେ ଆୟୋଜିତ ରାଜ୍ୟ ସ୍ତରୀୟ କୁସ୍ତି ଚାମ୍ପିୟାନସିପରେ ଅଂଶ ଗ୍ରହଣ କରିବା ପାଇଁ ମୟୁରଭଞ୍ଜର ୬ ପ୍ରତିଯୋଗୀ ପୁରୀ ଗସ୍ତ କରିଛନ୍ତି। ଆଜିଠାରୁ ଡିସେମ୍ବର ୨ ତାରିଖ ପର୍ଯ୍ୟନ୍ତ ଏହି ପ୍ରତିଯୋଗିତା ଚାଲିବ ବୋଲି ମୟୁରଭଞ୍ଜ ଏଥଲେଟିକ ଆସୋସିଏସନର ସାଧାରଣ ସମ୍ପାଦକ ବିଜୟ କୁମାର ଦାସଙ୍କ ସୂତ୍ରରୁ ପ୍ରକାଶ। ପ୍ରତିଯୋଗୀମାନେ ହେଲେ ସିଦ୍ଧାର୍ଥ ଶଙ୍କର ମହାନ୍ତ (56 kg ), ମିହିର ରଞ୍ଜନ ବେହେରା (61 kg ), ସୌରବ ପାତ୍ର (58 kg ), ସୁଧୀର ରଞ୍ଜନ ମଣ୍ଡଳ (71 kg), ସୁବ୍ରତ କୁମାର ମହାନ୍ତ (70 kg ), ଖ୍ୟାତି ରଞ୍ଜନ ପାତ୍ର (55 kg ) I ଏହି ଦଳ ସହିତ ମ୍ୟାନେଜର ଈଶ୍ୱର ଚନ୍ଦ୍ର ମହାନ୍ତ ଓ କୋଚ ଆୟୁଷ ଦଣ୍ଡପାଟ ପୁରୀ ଗସ୍ତ କରିଛନ୍ତି। କୁସ୍ତି ସହ ସମ୍ପାଦକ ଗୌରୀ ଶଙ୍କର ସିନ୍ହା ସମସ୍ତ ପ୍ରତିଯୋଗୀଙ୍କୁ ଶୁଭ କାମନା ଜଣାଇବା ସହ ଜିଲ୍ଲା ପାଇଁ ସୁନାମ ଆଣିବେ ବୋଲି ଆଶା ପୋଷଣ କରିଛନ୍ତି।
